ప్రాణ స్నేహితుడననా
నీకంటే ప్రాణమెక్కువేమీ కాదే
మరువలేని తీపి జ్ఞాపకమననా
ఎప్పుడూ మది వీడనేలేదే
నా శ్వాస అందామంటే అది
ఆగినా నాతోనే వుంటానన్నావే
ఈ చిన్ని గుండెని ప్రేమించే
మరో చిన్ని గుండెవననా
నను అపురూపంగా చూసుకునే
నా మనసెరిగిన నా మురిపెమననా
నాలో భాగమైపోయి నీ చేయి నుంచి
జాలువారిన నీ బొమ్మవననా
నిన్ను నువు దాచుకోలేక నా వొడిలో
ఒదిగిపోయే నా చిన్ని నేస్తమననా
కొండంత నమ్మకాన్ని నీపై పెంచుకున్న
నను గుండెల్లోనే దాచుకున్న నా ప్రాణమననా
నేనున్నానంటూ అమాయకంగానే నమ్మకంతో
చెప్పే నెనెరిగిన నా ప్రియ నేస్తమననా
నే కలత చెందితే కన్నీరు పెట్టే
ఏ కల్మషమూ లేని పసి హృదయమననా...
No comments:
Post a Comment