కొలిచే దేవుళ్ళెందరున్నా
మదిలో కొలువైనది నువ్వే
విరబూసే పువ్వులెన్నున్నా
వాడని చిరునవ్వు నీదే
పాడే కోయిలలెన్నున్నా
వినిపించే గానం నీదే
చూసే కళ్ళు నావైనా
అవి తాకే హృదయం నీదే
చిరుగాలి తాకేది నన్నైనా
మదిలో మెదిలే తలపు నీదే
చెదిరే కలలెన్నున్నా
చెదరని రూపం నీదే
కరిగే క్షణాలెన్నున్నా
కరగని జ్ఞాపకాలు నీవే
తరిగే కాలం ముందున్నా
తరగని కన్నీళ్ళు నీవల్లే
మౌనమె నా మది భాషైనా
అందులో మాటల సందడి నీదే
నదిచే బాటలెన్నున్నా
పరిగెత్తే పయనం నీవైపే
పిలిచే పిలుపులెన్నున్నా
పిలవని తలపులు నీవే
తపించే హృదయం నాదైనా
తలపించే మధురిమ నీదే
చెరిగే గాయాలెన్నున్నా
చెరగని గురుతులు నీవే
తీసే ఊపిరి నాదైనా
అది పొసే ప్రాణం నీదే
ఆగిపోయే గుండే నాదైనా
ఆగని ప్రేమ నీపైనే
ఏడడుగులు బంధం నీతో లేకున్నా
ఏదు జన్మల అనుబంధం నీతోనే
జీవన పయనం లో దారులెన్నున్నా
అంతిమ గమ్యం నీ దరికే
No comments:
Post a Comment